ចំណុច​ដែល​គួរ​ធ្វើ និង​មិន​គួរ​ធ្វើ​សម្រាប់​ការ​រៀន​តាម​អ៊ីនធឺណិត

កំឡុង​ពេល​មាន​ការ​រឹតត្បិត​ការ​ជួបជុំ​ដោយសារ​តែ​ជំងឺ​កូវីត​១៩ ការរៀន​តាម​ប្រព័ន្ធ​អ៊ីនធឺណិត​ចាប់ផ្ដើម​ពេញ​និយម។ យើង​នឹង​លើក​យក​ចំណុច​ខ្លះៗ​មក​ជជែក​ដើម្បី​ជំរុញ​ឱ្យ​ការ​រៀន​ពី​ចម្ងាយ​នេះ​កាន់​តែ​មាន​ប្រសិទ្ធភាព។

ដើម្បី​អាច​ឆ្លើយ​ទៅ​នឹង​ប្រធានបទ​នេះ​បាន យើងគួរ​តែ​ឆ្លើយ​សំណួរ​មួយ​ចំនួន​ជា​មុន​សិន

. ហេតុអ្វី​បានជា​យើង​ចាំបាច់​សិក្សា​តាម​ប្រព័ន្ធ​អ៊ីនធឺណិត?

. តើ​ការ​សិក្សា​តាម​ប្រព័ន្ធ​អ៊ីនធឺណិត ឬ​ការ​សិក្សា​ពី​ចម្ងាយ មាន​ន័យ​ដូចម្ដេច?

ខាងក្រោម​នេះ​ជា​អ្វី​ដែល​អ្នក​គួរ​ធ្វើ បើ​អ្នក​ចាប់ផ្ដើម​បង្រៀន​តាម​ប្រព័ន្ធ​អ៊ីនធឺណិត

. ប្រមូល​អ៊ីម៉ែល និង​លេខ​ទំនាក់ទំនង​របស់​សិស្ស​របស់​អ្នក រួច​ហើយ​បង្កើត​ថ្នាក់​នៅ​ក្នុង​ប្រព័ន្ធ​ណាមួយ​ដែល​អ្នក​ប្រើប្រាស់ ហើយ​ទាញ​ពួកគេ​ចូល​ក្នុង​ថ្នាក់​នោះ (. Google Classroom, …)

. ត្រៀមខ្លួន​ឱ្យ​រួចរាល់​មុន​ពេល​ចាប់ផ្ដើម​ថ្នាក់រៀន (ធ្វើ​ឱ្យ​ដូច​អ្វី​ដែល​អ្នក​ធ្លាប់​ធ្វើ​កន្លង​មក​នៅ​ក្នុង​ថ្នាក់រៀន​ធម្មតា)

. ពិនិត្យ​ឧបករណ៍​ដែល​អ្នក​ត្រូវ​ប្រើប្រាស់ ហើយ​ធានា​ថា​វា​ដំណើរការ​ធម្មតា (. អ៊ីនធឺណិត កាមេរ៉ា ថ្ម​កុំព្យូទ័រ​ជាដើម)

. រៀបចំ​មេរៀន​ដែល​អ្នក​ត្រូវ​បង្ហាញ ឬ​កិច្ចការ​ផ្សេងៗ​ដែល​អ្នក​តម្រូវ​ឱ្យ​សិស្ស​ធ្វើ​ឱ្យ​បាន​រួចរាល់​មុន​ពេល​ចាប់ផ្ដើម

. អាច​ជា​ការ​ល្អ​ដែល​ឱ្យ​សិស្ស​ម្នាក់ ឬ​ពីរ​នាក់​រៀបរាប់ ឬ​សង្ខេប​អ្វី​ដែល​អ្នក​បាន​និយាយ​ ដើម្បី​ធានា​ថា​អ្នក​រាល់​គ្នា​អាច​យល់​បាន

. ការប្រើប្រាស់​សំណួរ​បើក​អាច​ជា​ការ​ល្អ និង​លើក​ទឹកចិត្ត​ឱ្យ​សិស្ស​សួរ​សំណួរ​ព្រោះ​វា​នឹង​ជំរុញ​ឱ្យ​សិស្ស​របស់​អ្នក​ចូលរួម​ក្នុង​ច្រើន​ជាង​មុន

. ស្ដាប់​យោបល់​ត្រលប់​ពី​សិស្ស​របស់​អ្នក ដើម្បី​កែ​លម្អ​ថ្នាក់រៀន​ពី​ចម្ងាយ​របស់​អ្នក​ឱ្យ​កាន់​តែ​ប្រសើរ

ខាងក្រោម​នេះ​ជា​អ្វី​ដែល​អ្នក​មិន​គួរ​ធ្វើ បើ​អ្នក​ចាប់ផ្ដើម​បង្រៀន​តាម​ប្រព័ន្ធ​អ៊ីនធឺណិត

. អ្នក​មិន​គួរ​ចំណាយ​ពេល​យូរ​ពេក​ក្នុង​ការ​រៀន​តាម​អ៊ីនធឺណិត​នោះ​ទេ វា​អាច​នឹង​ធ្វើ​ឱ្យ​​សិស្ស​របស់​អ្នក​មាន​អារម្មណ៍​ថា​ធុញ

. កុំ​ធ្វើ​ឱ្យ​ថ្នាក់រៀន​របស់​អ្នក​មាន​លក្ខណៈ​ផ្លូវការ​ពេក ព្រោះ​ការ​រៀន​ពី​ចម្ងាយ​គឺ​មិន​ដូចជា​ការ​រៀន​នៅ​ក្នុង​ថ្នាក់​ធម្មតា​នោះ​ទេ

. កុំ​ចាប់ផ្ដើម​ថ្នាក់រៀន​ដោយ​មិន​បាន​ចាប់ផ្ដើម​ជាមួយ​នឹង​គោលបំណង​នៃ​មេរៀន

. កុំ​បញ្ចប់​ថ្នាក់រៀន​ដោយ​មិន​បាន​សង្ខេប​នូវ​អ្វី​ដែល​បាន​រៀន

យើង​សង្ឃឹម​ថា ចំណុច​ទាំងនេះ​អាច​ជួយ​អ្នក​រៀបចំ​វគ្គសិក្សា និង​ថ្នាក់រៀន​ពី​ចម្ងាយ​របស់​អ្នក​ឱ្យ​កាន់​តែ​ល្អ​ប្រសើរ។

 

 

 

July 1, 2020

2 responses on "ចំណុច​ដែល​គួរ​ធ្វើ និង​មិន​គួរ​ធ្វើ​សម្រាប់​ការ​រៀន​តាម​អ៊ីនធឺណិត"

  1. Asking questions are really nice thing if you are not understanding anything completely, except this post provides nice understanding even.

Leave a Message

Your email address will not be published.

This site uses Akismet to reduce spam. Learn how your comment data is processed.

សាលាខ្មែរជាអ្វី?

នេះ​ជា​គេហទំព័រ​សម្រាប់​អ្នក​ដែល​ចង់​ស្វែងរក​វគ្គសិក្សា​នៅ​លើ​ប្រព័ន្ធ​អ៊ីនធឺណិត។ វគ្គសិក្សា​ទាំងអស់​ត្រូវ​បាន​យកចិត្តទុកដាក់ ទៅ​លើ​គុណភាព និង​តម្រូវការ​របស់​អ្នក​សិក្សា។ បន្ថែម​ពី​លើ​នេះ យើង​នឹង​ផ្ដល់​ជូន​ជា​ប្រចាំនូវ​ចំណេះដឹង​ថ្មីៗ ទាក់​ទៅ​នឹង​បច្ចេកវិទ្យា ការស្រាវជ្រាវ ក៏​ដូច​ជា​វិធីសាស្ត្រ​បង្រៀន។ ជាមួយ​នឹង​វគ្គសិក្សា និង​ចំណេះដឹង​ដែល​យើង​ផ្ដល់​ជូន យើង​សង្ឃឹម​ថា​អ្នក​នឹង​អភិវឌ្ឍ​ចំណេះ ជំនាញ​របស់​អ្នក​ឱ្យ​ស្រប​ទៅ​នឹង​យុគសម័យ​បច្ចេកវិទ្យា​នេះ។ ចាប់ផ្ដើម​ស្វែងរក​វគ្គ​ដែល​អ្នក​ចាប់​អារម្មណ៍ ចុះឈ្មោះ​ចូលរៀន និង​អាច​រៀន​បាន​គ្រប់​ពេលវេលា និង​គ្រប់​ទីកន្លែង។

សាលាខ្មែរ ផ្តល់ឱកាសសម្រាប់អ្នកទាំងអស់គ្នា

វគ្គសិក្សាពេញនិយម

ទំនាក់ទំនងមកយើង

អ្នកអាចទំនាក់ទំនងមកយើងតាម

+855 010 68 59 62
info@salakhmer.org
top
Copyright © 2020 | SalaKhmer.org
X